السلااااااام
وش أخباركم ؟!
وعلومكم ؟!!
اليوم وبعد إنتظار متعوب عليه و ما لأمه داعي .. قررت إني أكتب الجزء الثاني من
بنات كليتنا وقت البريك / 1
طبعا تكلمت بالجزء الاول عن اليايات -> ملاحظة بين قوسين : يايات : كلمة بمعنى ياي
و بعد سيرنا شوي عند عصابتنا و عطيتكم نبذة مختصرة عنا ..
لـكني للحين ما جيت عند >> "" شنبات "" << الكلية
و اللي ما تعرفونه إن كليتنا تراها مختلطة
مختلطة ! -> إيه مختلطة مختلطة
المهــــم
شنباتنا هذول متعوب على جد جد أشكالهم تحسين ان كأنهم متفقين عالتطقيم
كلللللهم نظارات شمسية من النوع اللي ما تشوفين العيون من تحتها -> لزوم الخز و القز اللي مدري وش تحس كليتنا بالحيااااة منه
وكللللل ابوهم شعر بوي و سبايكي بعد -> يعني ترى ما ينفع تصيرين بوية وبس !
و تروحين تقصين الشعر و تلبسين مثل أخوك
لا لا لا يا قلبي !
لاااازم تكونين بوية كشخة .. يعني باختصار لو أخوك كشخة و اسم الله عليه يخقق !
لا تترددين و خذي منه دروس
بس إذا ما يعرف يلبس أقولك من ألحين لااا تتهورين لأن بعدين ترا يطيح البرستيج و ياذا البرستيج اللي إذا طاح محد بيرفعه لك
المهــم
هذول طبعا قلنا انهم يسيرون على الحمام ثواني يشوفون الخشة و يللا عالصالة
و طبعا أهم شي بقوله لكم إنهم ما يطيحون الميانة إلا مع صديقاتهم يعني لا تتهورين و تروحين تسوين يعني اني بخاويهم لأن بتجيك أحد ردات الفعل اللي مسدوحة :
يا إنها تكفخك و تطلع حرتها فيك !
أو تسوي نفسها ما سمعت
أو تعطيك رد يخليك تندمين انك وحدة من بنات الكلية
لا لا
وفيه بعد شي ثاني بقوله لكم
ترى البويات أنواااع .. والله ! .. تلاحظون هالشي ؟!!
يعني أول نوع أنا أسميهم "" الورعااان "
تلاقينها كنها بزر بأولى ابتدائي -> أحسهم يشترون لبسهم مو من قسم الرجال لا من قسم الأطفال ههه-> اللهم لا شماتة
و النوع الثاني اللي ما لأم أبو شكلها داعي .. كششششخة و تحسينها بوية متمكنة لكنك تكتشفين بعدين ان شخصيتها تقول .. امشي و أنا أمشي وراك
و بعد فيه نوع من البويات اللي تحسينها نص بوية .. تلاقينها بوية من فووووق لتحت و الوجه كله ميك اب و الحواجب تقول نزلوني
و النوع الاخير اللي بوية بوية .. هذول تحسينهم مالهم شغل بأحد ولا أحد يجي عندهم ..
تشوفينها تتمشى مع صديقاتها بأمان الله أو انها مع حبيبيتها
ملاحظة بين قوسين : حبيبتها لازم تكون وحدة من اليايات
و فيه شي بعد غاص علي و ودي أقوله..
يا شيخة مسكتهم للجوال !
لا تعليق -> انتم أوصفولي مسكتهم وشلون تشوفونها ..
تعليق على جنب : ترى البويات مو كلهم كذا .. هذي بس الانواع اللي مدري وش سالفة أشكالهم
ولا فيه بويات رزة و شخصية و يستاهلون الواحد يتعامل معهم .. ماااا أبي أظلم أحد
المهــم
ما علينا من البويات
نرجع لصالتنا العزيزة .. مقر خزنااا و قزنااا و حشنا بعد
و بخاطري أوصفلكم شكلها عند قاعة الأميرة اللي بآخرها
هنا عاد يتجمعون كل شلل الكلية متى ما تعبو تربعو عند الدرج أو عند باب القاعة
و عمرك ما تشوفين هياط هناك .. يعني تحسين ان هذا هو المكان الوحيد اللي بالصالة اللي تاخذين راحتك و انتي فيه
طيب ..
خلصنا من الصالة و ملينا و حنا نمشي و نهايط فيها ...
بعد كذا نروح على جسر الآداب
و ما أدراك ما جســر الآداب !
هنــاك تلاقين البنات قاعدين مجموعات على أطرافه
متحملين الحر و الشمس فدى الخز و القز و الحش -> ترى هالجسر إمتداااد للي بالصالة بس بشكل مطور .. يعني كل شي هنا يتم وفق الأصوووول
المــهم
طبعا أول ما تطلعين تمشينلك خطوتين بعدين بيمينك رح تشوفين مراية طويييلة و عريييضة -> بالأصح تراها مو مراية هو باب للعيادة عاكس .. خذو فينا أجر لأنهم حطوه
بعدين تجيك الدخلة عالجسر -> نصيحة قبل لا تدخلين انتبهي على تصرفاتك هناك لأن بقولك على شي ..
مرة من المرات كانت عصابتنا مجتمعة بالجسر .. و مرو بنات يأشرون علينا بيدينهم كأنهم يقصون .. و من ذك اليوم حطيناهم ببالنا لدرجة اني صرت أحسهم يخافون هههه
عرفتي ليش ؟!!
أما عاد إذا كنتي قوية و اسم الله عليك ما تخافين .. فديتك خذي راااحتك و لا عليك من أحد ..
فيه شي بعد .. ترى معظم الهياط و الصرقعة و الصياااااعة ! تصير بالجسر و حوله ..
و انتي تتمشين على الجسر يمين فيه مساحة فاضية فيها تراب و شجر مخرف ..
تحت الشجر ..
يقعدون البنات هناك و ياخذووون راحتهم -> أوقات يجيبون معهم دي جيه و يرقصووون .. يعني تحسينهم فالينها و ما عليهم من أحد ..
فيه شي بعد بقوله بين قوسين :
جسر الآداب له تسميات ثانية
أشهرها جسر المحبة
أو إذا مالك خلق التسميات اللي ما لها داعي
قولي الممر و اخلصي على نفسك ..
O*O*O*O*O*O*O
مليت و الله و أنا أكتب .. انتظرو الجزء الجاي بتكلملكم فيه عن تشبيكاااات البنات
عدل سابقا من قبل قلـب ج ــرآح في الثلاثاء أبريل 28, 2009 6:52 pm عدل 1 مرات
اهم شي انا جالسه اقرى السالفة وبنت خالي البريئه مسكينة شوي وتنجلط.......
